Bartomeu-a lehkhathawn chu!

Barcelona president chhuak ta Josep Maria Bartomeu-a'n ngawi renga Barca buaina thlir liam a tum lo a, Laporta-a'n a hming a lam reng bawk avangin Barca President thar hi open letter a thawn!

Bartomeu chuan tuna Barca talbuai chhan langsar tak chu Covid-19 vang a nih thu sawiin, "Hun engemaw chen chu kan sum lakluhna hnar Museum, Camp Nou, Camp Nou Megastore leh Barca dawr hrang hrangte hawn theih a ni lo a, hei vang ringawta sum kan hloh hi euro maktaduai 375 vel a tling a ni," a ti a, sum enkawl thiam loh vanga club talbuai phah anga an sawina chu a pha.

Barca President hlui chuan Laporta chu a hna thawk ṭha tawk loah puh zuiin, "Hriat sa angin kan board of director chuan March 21, 2021 kha inthlanna hun atan kan duh a, mahse, kan duh aia hmain bang tura nawr kan ni.

"Khatiang boruak avang khan kan sum dinhmun siamṭha tura ruahmanna kan neih zawng zawng pawh bawh zui theih a ni lo a, board thar lahin eng hmalakna mah an nei chuang si lo a ni," a ti a, Laporta a dim duh bik lo.