Zanin dar 7:30-ah India Vs Kiwis

India leh New Zealand chuan zanin dar 7:30 hian ODI match thum an khelh tura hmasa ber an khel ang. India hian ODI match an khelh hma hian T20-ah 5-0 in series an la a, an mikhualna ramah an la che ṭha rih hle.

Virat Kohli hote hian nikum Cricket World Cup-ah New Zealand hi semifinal-ah an hneh lo. T20 an khelh ṭan hma khan Kohli chuan, "New Zealand rilru put hmang a dik a, kan inkar a ṭhat bawk avangin phuba lak lam a lang lo. Infiamna a nih angin chak erawh kan duh," tiin phuba la zawnga an thlir loh thu a sawi. 

India T20 match hnuhnung bera inhliam Rohit Sharma an chhawr thei dawn lo a, a aiah opener Mayank Agarwal dahluh a ni. Rohit Sharma hi a chawn hliam avangin ODI bakah Test match an khelh leh turah a inlan thei lo ang.

ODI squad: Virat Kohli (c), Agarwal, Prithvi Shaw, KL Rahul, Shreyas Iyer, Manish Pandey, Rishabh Pant (wk), Shivam Dube, Kuldeep Yadav, Yuzvendra Chahal, Ravindra Jadeja, Jasprit Bumrah, Mohammed Shami, Navdeep Saini, Shardul Thakur, Kedar Jadhav.

Test squad: Virat Kohli (Capt), Mayank Agarwal, Prithvi Shaw, Shubman Gill, Cheteshwar Pujara, Ajinkya Rahane (vc), Hanuma Vihari, Wriddhiman Saha(wk), Rishabh Pant (wk), Ravichandran Ashwin, Ravindra Jadeja, Jasprit Bumrah, Umesh Yadav, Mohd. Shami, Navdeep Saini, Ishant Sharma (a dam hman chuan).