60m record thar siamtu Coleman

United States rawlthar tlan chak Christian Coleman chuan 60m intlansiak record thar a siam. Pathianni khan US Championships-ah Coleman hian 60m hi second 6.34 chhungin a tlan thleng a ni.

Kum 21 mi Coleman hi Ronnie Baker (6.40 second) hmaah a thleng a, second 0.149 in a hma zawk. Record lo awm tawh sa Maurice Greene (6.39) chu a rawn khum.

Kum 21 mi Coleman chuan, "Thla hmasa khan second 6.37 chhungin ka tlan thleng tawh a, mahse khawl lam chian lohna vangin record ṭha a ni lo. Tunah erawh ka lo suangtauh ṭhin chu a takin a thleng dik ta," tiin a sawi.