Zaninah MSL4 hmahruaitu nih inchuhna Zarkawt BCA Vs MSV Vikings
Mizoram Super League season linaah champion lai Mission Veng Vikings aiin Zarkawt BCA an ṭha zawk niin an sawi a, zanin dar 7:30 hian Hawla Indoor Stadium, Republic Vengthlangah eng team nge ṭha zawk chu a hriat ang.
Vikings hian match li an khelh tawhah an la chak vek a, anmahni ang bawka la chak vek BCA chiah khelh tur an nei tawh a. Zarkawt club erawhin February 23-a league round tawp hunah chak la nei lo Mission Vengthlang Hollow an la hmachhawn dawn.
BCA-in champion lai Vikings aṭangin Lalrina Renthlei an la chhuak a, guard rem hria Zonunsanga bakah Matthew Sailo, Dennis Lalmuanpuia, Henry Lalramngaihawma leh Jackson Lalrintluanga te nen team khata an awm ho avangin Mizo hlang chuan an ṭha tih a chiang a, an result-ah a hriat bawk.
Mission Veng Vikings erawh MSL4 ṭan hmain Mizoram aiawhin an feh chhuak a, hei hian team chhungah inrintawkna a pe nasa hle. Beisei phak baka ṭhain result an nei chho a, tawnhriat nei ṭha Michael F. Lalawmpuia leh Moses Zoremmawia te an kawl bawk avangin BCA hi mei khup sain an hmachhawn lo ang.
MSL4-ah entu an la tam tawk lo a, tualchhung basketball ngainatuten an game ngainat an en loh chuan infiamna dang ngainatuten an en sak dawn lo a, chuvangin an ṭhanharh a ngai. Zanin hian basketball ngainatute bakah Zarkawt leh Mission Veng hmangaihtute an pungkhawm bawk ang.