Goa beisei a la bo lo

Indian Super League season khar a hnai a, top four hmunruak inchuh boruak a sang telh telh bawk–zanin dar 8:00-ah FC Goa chuan Delhi Dynamos an mikhual dawn a, season tawpa semifinal luh beiseina chhi nung turin chak a pawimawh ang.

Goan club hian palina dinhmun luahtu Jamshedpur FC aia vawi hniha khel tlem chungin Tata club hi point rukin an phak lo mek a, season tawpah semifinal khelh an duh chuan Delhi Dynamos hi hneh loh a thiang lo ang.

Tun dinhmunah Bengaluru FC chu table chung berah awmin semifinal an khel dawn chiang tawh a, hmun ruak dang pathum hi Pune City, Chennaiyin FC, Jamshedpur, Kerala Blasters leh FC Goa ten an inla inchuh a ni ber.

Lallianzuala Chhangte khelhna Delhi Dynamos hi awlsam taka tlawm tura dah chi erawh an ni bik lo–Delhi club hi table mawng berah awm mah se an match hnuhnung pahnihah tlawm hmel an hmu lo a, table mawng aṭanga tal chhuak turin chak an duh ang.