India leh Proteas inkhel dawn

South Africa nena series khel mek India chuan zanin dar 9:30-ah Twenty20 series match hnihna an khel leh dawn a, Men in Blue hian hnehna an chang leh a nih chuan series an la fel ang.

India leh South Africa hian Pathianni zan khan T20-a an match hmasa ber an lo khel tawh a, India-in run 28-a hnehna changin run 72 vaw chhuaktu Shikhar Dhawan chu player langsar a ni.

T20 series hi match thum chiah khelh tur a nih avangin zaninah India-in hnehna an chan chuan match hnuhnung berah South Africa-in hnehna chang pawh ni se India-in series an la ang.

Ram pahnih hian test series leh ODI series an khel zo tawh a, test-ah mualneitu Proteas-in 2-1 in series an la a, ODI-ah erawh chiang taka India chungnungin 5-1 in series an la thung.