Didier Drogba fapain Ligue 1 club a zawm

Chelsea legend Didier Drogba fapa kum 17 mi Isaac Drogba chuan French Ligue 1 club Guingamp a zawm. A pa ang thoa striker Isaac hian Chelsea academy tan a khel ṭhin a, tunah chuan France lam hawiin a boot a khai.

Didier Drogba-a'n player a nih laiin Guingamp tan a lo khel tawh ṭhin a, Le Mans aṭanga £80,000-a kum 16 kal taa a zawm club-ah a fapa a khel ve dawn ta. Guingamp tan match 50-a khelha goal 24 khungtu striker chuan, "Isaac Drigba ka va chhuang tak che em," tiin instagram lamah a fapa chungchang hi a tarlang.

Chelsea tana Drogba khelhpui ṭhin Frank Lampard chuan, "Isaac hi mipa naupang fel tak kha a ni ṭhin a, tunah chuan puitling a lo ni ve ta," a ti a, Blues captain hlui John Terry chuan, "Alo lian ve ta hle mai, ka lawmpui e," a ti bawk.

Didier Drogba hian Guingamp-ah season hnih aia tam lo hun a hman hnuin Marseille a zawm a, kum 2004 khan Chelsea a pan. London club tan Premier League nomawi pali, FA Cup pali leh Champions League nomawi a chawi a, Ivory Coast tan vawi 104 a inlan.

Drogba-a'n Ivory Coast tan khel mah se 2015 khan a fapa chuan England tana khelh a duh thu a lo sawi tawh.