SAFF C'ship fixtures a chhuak

Kum hnih dana neih ṭhin 2021 SAFF Championship fixtures chu nimin khan tihchhuah a ni a, India chu a match hmasa berah Bangladesh nen October 3, Pathianniah an inkhel ang.

SAFF C'ship vawi 13-na hi October 1-13, 2021 chhungin Maldives-ah khelh a ni dawn a, ram panga an inel ang. Inelna hmachhawn turte chu India bakah Bangaldesh, Sri Lanka, Nepal Leh Maldives te an ni ang.

Team panga te hi an inkhelh chhuah vek hnuah a sang pahnihin October 13 hian final an khel ang. Inelnaah hian India chu record nei ṭha ber an ni a, vawi sarih an champion tawh.

Chutihrualin inelna hnuhnung bera champion chu Maldives an ni a, final-ah Mizo tlangval tel lohna India chu 2-1 in an hneh. Tun ṭumah erawh Lalengmawia (Apuia) leh Lallianzuala Chhangte te chu tel tura beisei an ni.

India Fixtures
3rd October - India vs Bangladesh
6th October - India vs Sri Lanka
8th October - India vs Nepal
11th October - India vs Maldives