Brentford-in Fernandez an lalut

Premier League kai thar Brentford-in Arsenal an hneh hnuah chanchin lawmawm an nei a, Spain goalkeeper Alvaro Fernandez chu loan hmangin Huesca aṭangin an lalut.

Bees hian an duh a nih chuan Fernandes hi a ngheta lakluh dan a awm a, kum 23 mi goalkeeper hi Olympic 2020-ah khan Spain squad-ah awmin silver medal an dawng.

Fernandes hian season liam ta khan Spanish second division Huesca tan match 22 a khel a, vawi nga a clean sheet. Euro 2020 ṭan hmaa Covid-19 vanga Spain an buai ṭum khan Lithuania a hmachhawn a, ram tan vawi khat a khel ve tawh.

Brentford-ah hian Fernandes hi goalkeeper dang David Raya leh Patrik Gunnarsson te nen an inel ang. Nipui bazar hi Premier League tan chuan August 31 zanah a tawp dawn a, India sanaah chuan September 1 zing dar 3:30 tihin a sawi thei bawk.

Transfer boruak a la ngaihnawm chho zel a, Martin Odegaard pawhin pound maktaduai 34 bawr velin Arsenal a zawm hnai a, Gunners hian Sheffield United keeper Aaron Ramsdale an la dawr zel.

Hetihlai hian Barcelona nena media ṭhenkhatin an sawi zawm Pierre-Emerick Aubameyang chu Catalan club-in lak tumna an nei lo a, ba ngah vanga buai Barca hian player neihsa hralh chhuah an tum zawk.