Sub thlak sual vangin Wolsburg an tla

Bundesliga club Wolfsburg chuan August 8, Pathianni khan DFB Pokal first round-ah fourth division club Preussen Münster chu 3-1 in hneh mah se substitution tihsual vangin an tla.

Wolsburg coach thar hi Mark van Bommel a ni a, DFB Pokal-ah hian substitution panga siam theih a ni. Team pahnih hi hun pangngaiah 1-1 an inhnehtawk avangin extra time khelh a ni a, Bommel-a'n substitution paruk a siam.

Euro 2020-ah khan substitution panga siam theih a ni a, extra time an khel a nih chuan pakhat dang a siam belh theih. DFB Pokal erawh panga bak a siam theih loh avangin Wolves-in Bommel-a thutlukna tihsualh hi an tuar phah.

Bayern Munich midfielder hlui Bommel hi a competitive match hmasa berah a chesual a, Champions League khel pha ve meuh Wolves enkawltu tiha tan chuan a mawi lo hle.

Bommel-a chetsual avangin Preussen Münster-in second round an luh phah dawn. DFB chuan, "Fourth official-in club official hnenah substitution a la tih theih pawh ti se, a tisualtu chu club tho an ni," tiin thuchhuah an siam.

Wolsburg hi DFB Pokal-ah mualpho mah se Bundesliga erawh ṭha takin an ṭan a, Vfl Bochum 1-0 a hnehin season bul an ṭan a ni.