Man United tan Sancho-a'n bul a ṭan

Manchester United-in pre season an hman ṭhat tawk loh avangin Thawhlehni zan khan Burnley nen friendly match an khel a, 3-1 in an chak.

Old Trafford-a inkhelah hian entu an awm lo a, United player thar Jadon Sancho pawh bul ṭantu zingah a tel. Ole Gunnar Solskjaer-a hote tan Anthony Martial, Jesse Lingard leh Fred ten goal an khung a, Clarets tan Aaron Lennon-a'n goal khat a khung.

Man United hian season ṭan hmaa Preston nen friendly match khelh an tum chu Covid-19 vangin an ṭhulh a, match fitness an neih theih nan friendly match hi khelh a ni.

Real Madrid aṭanga Man United zawmtu Raphael Varane erawhin training zawm tawh mah se friendly match-ah hian a khel lo. Solskjaer-a hote hian Premier League match hmasa berah Leeds United 5-1 in an sawp a, Pathianni zan dar 6:30 hian Southampton an hmachhawn ang.

Man United tana bul ṭantute : Heaton, Dalot, Bailly, Maguire, Williams; Matic, Van de Beek; Sancho, Mata, Lingard; Martial.