Sindhu a training chhunzawm nghal

Olympic medal vawi hnih la tawh PV Sindhu chu a tih ṭhin dan pangngaiin a thawkrim chhunzawm leh nghal. India nula badminton khel thiam hian Thawhlehni aṭang khan training a nei chhunzawm leh tawh a ni.

Rio Olympic-ah silver medal a la a, tun thla a neih zawk tak Tokyo 2020-ah bronze medal a la leh bawk. Sindhu hian a aia sang zawk thlen ngei a la tum a, tunah hian Korean coach Park Tae-Sang nen an thawk dun mek.

Sindhu chuan, "Kan hma lawkah hian inelna hmachhawn tur a awm leh dawn, chuvangin chawlh hmang hman ka ni ve lo. A pawimawh berah chuan taksa hrisel ṭha tak neih a ngai, chumi tur chuan training neih ṭhat a pawimawh.

"World number 1 nih hi ka tum ber a ni lo a, kei chuan tournament ṭha taka khelh hi ka tum ber chu a ni zawk. Tokyo 2020 kha kan thlirkir a nih chuan ka khelh danah ka lungawi, chak leh chak loh chu vanduai leh vanneihin a hril ve bawk," a ti.

Badminton World Federation hnuaia season kal lai a la zo lo a, Asia bakah Europe leh America lamah badminton inelna a la awm dawn avangin Sindhu tan training neih chhunzawm hi a pawimawh hle.