Proteas hmaah India an tlawm

India-in South Africa nena Twenty20 series an khelh mekah Nilaini zan khan series lak theihna remchang nei mah se an hun neih an chhawr lo a, wicket rukin an tlawm.

Ram pahnih hian T20 series match thum khelh turah match hnih khel tawhin 1-1 in an inhnehtawk a, Inrinni zana an inkhelh leh huna chak zawkin series hi an la dawn.

India tan run khat pawh vaw chhuak loa Rohit Sharma vawm 'out' a nih hnuah Shikhar Dhawan chu run 24 chiah a siam tihin vawm out a ni bawk a, run khat siamtu Virat Kohli a ropui bik lo.

Men in Blue mualpho lutuk tur hi Manish Pandey (79 runs) leh MS Dhoni (52 runs) te chuan a tawp thleng dama bat chungin an chhanhim a, over 20-ah India hian run 188 siamin wicket li an hloh.

Proteas bat hun a thleng a, opener pahnih Reeza Hendricks (26 runs) leh JJ Smuts (2) te ding rei lo mah se captain JP Duminy (64 runs) leh Heinrich Klaasen (69) te an chet ṭhat avangin SA-in over 18.4-ah an target an umpha a, wicket pali hlohin an chak.