Silver aiah gold zawk–Sindhu

PV Sindhu chuan hmasawn a duh thu a sawi a, Indian badminton star hian silver medal a dawn ṭhin aiah gold medal vuak chhuah ve tawh ngei a duh thu a sawi.

Kum 22 mi Sinshu hian Rio Olympic-ah khan silver a dawng, final inkhel hmuhnawm takah Carolina Marin a ngam lo a ni. 2020 Tokyo Games-ah erawh Sindhu hian a dingchang zawk nih ngei a tum.

Hyderabad nula Sindhu chuan, "Ka suangtuah leh duhthusam ṭhin a thlen dik theihna turin beiseina ka la nei a, ka medal dawn kawngah hmasawnna neih ka duh, silver aiah gold ni tawh zawk se tih hi ka duhthusam a ni," a ti.

Sindhu hi a tawn san lai ber chuan world number 2 a ni hman hial a, mahse tun hnaiah tlahniam leh deuhin parukna a ni. Beisei angin season bul ṭan fuh lo mah se April 4-15 chhunga neih tur Commonwealth Games-ah chuan India beiseina a ni ang.