A chung berah Norway

Olympic Winter Games chu nizan khan Pyeongchang Olympic Stadium-ah a kharna hun neih a ni a, thlasik infiamna khawmpui lianah hian Norway chuan gold medal 14 lain pakhatna an ni.

Champion tura rinkai ber Germany leh Norway ten gold 14 ve ve an la a, mahse Norway hian silver leh bronze an lak hnem zawk avangin a chung berah an awm - an medal lak zat hi a vaiin 39 a ni.

Vancouver Olympics (2010) khan United States chuan medal 37 laiin medal la hnem record an lo siam tawh a, kum riat a liam hnuah Norway hian US record hi an rawn khum chiah.

Norway hian tun hnaiah Winter Olympic bikah hma an sawn nasa hle, 2014 Sochi Games-ah khan medal 26 an la a, an tih ṭhat ber ṭum niin, tun ṭumah hian an ram chetṭhat ber ṭum an tawng chhunzawm leh chiah bawk.

A sang zual ram 10
# Ram Gold Silver Bronze Total
1 Norway 14 14 11 39
2 Germany 14 10 7 31
3 Canada 11 8 10 29
4 United States 9 8 6 23
5 Netherlands 8 6 6 20
6 Sweden 7 6 1 14
7 South Korea 5 8 4 17
8 Switzerland 5 6 4 15
9 France 5 4 6 15
10 Austria 5 3 6 14