Australian Open champion Kashyap

Commonwealth Games badminton champion lai Parupalli Kashyap chuan, Malaysian shuttler June Wei Cheam chu straight games a hnehin Austrian Open International Challenge champion a ni.

Inrinni zan final khelhah seeded pahnihna Kashyap hian minute 37 chhung lekin Cheam hi 23-21 21-14 in a hneh. India tlangval hian tun hnai kum thum chhunga international title a lak lehna hmasa ber a ni.

Kum 31 mi Kashyap hian tun tournament hi a khel ṭha hle, champion nomawi a chawi thleng hian game khat mah a hloh lo a, final bikah hian game khatnaah tlemin inkhel tawk deuh mah se game hnuhnung zawkah erawh a zia chhuahin a chungnung hle.

Kashyap chuan, "Kumina a vawi khat nan nomawi ka chawi ve leh ta, season bul chauh a la nih avangin beiseina ka la nei sang hle. Hliam nei loa khelh chhoh theih a pawimawh ang," tiin a sawi.