India Camp-ah Mizo pathum

Mizo weightlifter Jeremy Lalrinnunga leh Zakhuma bakah Lalchhanhimi te chu India camp-ah koh an ni. August 25, Nilaini aṭang hian Patiala, Punjab-ah training hi an nei ṭan ang.

Tun ṭuma India camp-a kohte hi Commonwealth Weightlifting Championships Senior, Junior leh Youth hmachhawn tur an ni dawn, inelna hi October 20-24 chhungin Singapore-ah neih a ni ang.

August thla tir lam khan National Weightlifting Senior, Junior leh Youth National neihah Mizo pathum Jeremy, Zakhuma leh Chhani te hian medal an chawi chhuak vek a, tunah chuan inelna sang zawk atan an inbuatsaih leh dawn ta a ni.