Barnes-a'n contract a pawtsei

Leicester City winger Harvey Barnes chuan kum li chhung atan a contract neih lai chu a pawtsei a, King Power Stadium-ah June 2025 thleng a cham ang.

Kum 23 mi Barnes chuan, "Helai hmunah hian hun rei tak ka awm tawh a, ka tan chuan chenna in ang mai a ni. Contract pawtsei turin inngaihtuah buai ngai lo a, season bul kan ṭan ṭhat bawk avangin a phurawm hle," tiin a sawi.

Barnes hi England tan vawi khat chauh la inlan mah se Foxes tan player pawimawh a ni pha. English winger hian Leicester tan inelna hrang hrangah match 101 khel tawhin goal 21 a khung a, season liam ta khan league match vawi 25 aṭangin goal kua a khung.