Gauff lakah Osaka a chak

Cincinnati Open khelh laiah Naomi Osaka chuan tleirawl Coco Gauff hnehin last 16 a in vaw kai a, a match hmasa lama hnehna chang Simona Halep erawh hliam a neih leh tak a vangin a inhnukdawk.

Japanese nula Osaka hian kum 17 mi lakah hian 4-6, 6-3, 6-4 in hnehna a chang, set hloh hmasa zawk mah se a hnuhnung pahniha a la. A match lehpekah chuan Canadian nula Jil Teichmann a hmachhawn leh ang.

Kum 23 mi Osaka chuan, "A nihna takah chuan ngai ka la awh leh lo, rilru lama harsatna ka neih chu zep tur a awm lo. Heng bakah hian hri leng avang hian nunphung leh ngaihtuahna hi a la pangngai thei lo," tiin a sawi.

Champion tura rinkai zinga hi Halep erawh a vanduai. Romanin star hian a match hmasa berah Magda Linette a hneh a, second round-ah Jessica Pegula nena inhmachhawn leh tur an ni, mahse a keartui dinglam hliam vangin a khel zui thei lo.