Leipzig khingpui tur Stuttgart

Zanin dar 12:00 hian RB Leipzig-in Stuttgart an mikhual dawn. Season liam taa Bundesliga pahnihna Leipzig hian an match hmasa berah Mainz an hneh loh avangin insiamṭhat an mamawh hle.

Leipzig hian Bayern Munich lakah an manager Julian Nagelsmann an chan avangin Jesse Marsch hnuaiah an khel a, season thara Champions League khelh nawn a harsa dawn.

Marsch hian inhliam vangin Uruguayan left-back Marcelo Saracchi an chhawr thei dawn lo a, German full back pahnih Marcel Halstenberg leh Benjamin Henrichs bakah Norwegian striker Alexander Sorloth te dinhmun a chiang lo. Chutihrualin player dang an dam ṭha a, Leizpig-in point an hlawh chhuah ngei a rinawm.