Mizoram team tichak turin Police

Santosh Trophy vawi 72 chu March 19 hian Kolkata-ah khelh a ni dawn a, Mizoram chuan squad tichak turin Mizoram Police player paruk an lakbelh.

Mizoramin Santosh Trophy an chawi ṭuma player pawimawh V. Lalṭanpuia, F. Lalrinpuia leh Lalbiakhlua te bakah Lalramtharmawia, goalkeeper pahnih Lalṭanpuia leh Andrew Lalhmingliana ten training an zawm tawh a, tunah hian player 24 an awm mek.

Mizoram coach Lalsangzuala Hmar chuan, "Final round-ah hian player 20 hruai tur an ni a, tunah hian player fitness a ṭha tawh a, kan khelh dan hmang kan hriat chian tawh hlawm avangin player thlan a harsa dawn," tiin Vanglaini a hrilh.

Santosh Trophy final round thleng turin Mizoram hian Assam leh Arunachal Pradesh an hneh a, amaherawhchu NM Gupta Football, Silcharah Army Green hneh loin nomawi an humhim thei lo a, India rama champion nawn tur chuan inthuam ṭhat an mamawh.

Final round-ah hian Mizoram hi Odisha, Punjab, Goa leh Karnataka te an awm. Punjab hian 2015 semifinal-ah champion nawn tum H. Vanlalthlanga hote chu semifinal-ah an hneh a, nikum khan Lalsangzuala Hmar hnuaiah semifinal thleng lehin penalty shootout-ah bawk West Bengal an hneh lo.

Group Stage : March 19-28
GROUP A
March 19, Thawhṭanni
Chandigarh Vs Kerala
Manipur Vs Bengal
March 21, Nilaini
Maharashtra Vs Bengal
Chandigarh Vs Manipur
March 23, Zirtawpni
Kerala Vs Manipur
Maharashtra Vs Chandigarh
March 25, Pathianni
Bengal Vs Chandigarh
Kerala Vs Maharashtra
March 27, Thawhlehni
Manipur Vs Maharashtra
Bengal Vs Kerala
GROUP B
March 20, Thawhlehni
Odisha Vs Punjab
Mizoram Vs Goa
March 22, Ningani
Karnataka Vs Goa
Odisha Vs Mizoram
March 24, Inrinni
Punjab Vs Mizoram
Karnataka Vs Odisha
March 26, Thawhṭanni
Goa Vs Odisha
Punjab Vs Karnataka
March 28, Nilaini
Mizoram Vs Karnataka
Goa Vs Punjab
Semifinal : March 30, Zirtawpni
Winner Group A Vs Runners-Up Group B
Winner Group B Vs Runners-Up Group A
Final : April 1, Thawhlehni