Saints tlawh tur Man United

Manchester United chuan chuan August 22, Pathianni zan dar 6:30-ah Southampton an hmachhawn dawn. Ole Gunnar Solskjaer-a hoten an match hmasa berah Leeds United 5-1 a an hneh avangin an phur lai tak a ni a, Saints erawh Everton laka 3-1 a tlawm hlim an ni.

Southampton hian an player pawimawh Ryan Bertrand, Jannik Vestergaard leh Danny Ings te chu nipui bazarah an chan a, Everton an hneh loh ṭumin player thar Romain Perraud leh Valentino Livramento ten bul an ṭan. Saints striker thar Adam Armstrong-a'n match hmasa berah goal a khung a, an inkhelna hmun tur hi St Mary's Stadium a nih bawkin an tawh a khirh ang.

Chutihrualin Man United erawh an phur vanglai a ni a, midfielder pahnih Bruno Fernandes leh Paul Pogba te ringawt pawh hi khingpuite tan chuan buaipui tham an tling. Marcus Rashford awm lo mah se kum 19 mi Mason Greenwood a rintlak a, English rawlthar hi goal khung thei bik a ni.

Saints nena hriat châkawm erawh Jadon Sancho-a'n bul a ṭan dawn em tih hi a ni a, Borussia Dortmund aṭanga Old Trafford zawmtu hian friendly match-a Burnley an hneh ṭumin bul a ṭan.

Chutihrualin Raphael Varane erawh squad-ah a la awm lo a, Saints lakah pawh a khelh a rinawm loh. West Ham tana season ṭha tak hmangtu Jesse Lingard pawh friendly match-a a che ṭha chhunzawm a, amaherawhchu English midfielder hian khelhna hmun a chang tam dawn lo a nih chuan Man United chhuahsan pawi a ti lo, nia sawi a ni.