Chelsea an la inlei dawn?

Chelsea-in pound maktaduai 97.5-in Romelu Lukaku an lalut tawh a, Thomas Tuchel-a hote hian player an la lakbelh a rinawm. Blues hian Sevilla defender Jules Kounde an la ngaihven reng.

Kum 22 mi Kounde hian France tan match hnih a khel tawh a, centre back hmabak nei êng zinga mi a ni. Blues hian Kounde hi an lalut thei a nih chuan Premier League match hmasa bera goal khungtu kum 22 mi Trevoh Chalobah chu loan hmangin a chhuah a rinawm.

London club hian Kurt Zouma chhuahtir tumin hma an la a, amaherawhchu French defender hi a hlawh a tam avangin Chelsea hian dawrtu an la nei lo. Tuchel-a hote hian tlarhnung bakah midfielder an la ngaihven thei bawk.

La Liga club Atletico Madrid chuan kum 26 mi Saul Niguez hmalam hun an tichiang dawn a, Spain international midfielder tan Stamford Bridge pan hi thil theih a ni.