Sheffield-in Diallo an duh

Kumin January-a Manchester United-in pound maktaduai 37 senga an lakluh Amad Diallo chu loan hmanga a chhuah a rinawm a, Ivorian winger duhtu zingah Chamionship club Sheffield United an tel.

Kum 19 mi Diallo hian Man United tan match riat khel tawhin goal khat a khung tawh a, Jadon Sancho vangin khelhna hun a chan meuh a rinawm loh.

Nakkum January thla hian Africa Cup of Nations khelh a ni dawn a, Ivory Coast coach Patrice Beaumelle chuan Diallo hian match ngah se a duh.

French coach Beaumelle chuan, "Afcon atan thla nga vel a la awm a, Amad hian match tam zawk khel se ka duhpui. Minute a ngah chuan Ivory Coast tan chauh ni loin ama tan pawh a ṭha ang," tiin a sawi.

Man United midfielder Andreas Pereira-a'n loan-in an ram club Flamengo a zawm dawn a, Brazilian club hian loan fee an pek dawn loh bakah English club nen hian a hlawh tur hi an intum sem dawn.

English club leh Flamengo inremnaah hian Brazilian club hian kum 2020-ah Pereira hi euro maktaduai 20-in an lei thei ang a; Flamengo-in an hralh chhuak leh a nih chuan Man United hian 20% an chang dawn a ni.