Emerson-a'n Lyon a zawm

Chelsea defender Emerson Palmieri chuan Ligue 1 club Lyon chu season khat chhung atan loan-in a zawm. French club hian loan fee atan London club hi £500,000 an pe. Kum 27 mi defender hian January 2018 khan Roma aṭangin Blues hi a zawm a ni.

Emerson hi Euro 2020 champion Itlay squad-ah a tel a, Blues tan hian match 71 khel tawhin Champions League, Europa League leh Super Cup nomawi a chawipui.

Lyon hi Ligue 1-ah 17-naah awm mekin match hnih khelh tawh aṭangin point khat chiah an la hmu a, Pathianni tlai dar 4:30 hian Clermont Foot an hmachhawn dawn.