UEFA Men's Coach of the Year : Guardiola, Mancini & Guardiola

Europe-a football thuneitu sang ber UEFA chuan 2020/21 Men's Coach of the Year award dawng thei tur player pathum an chhawp chhuak a, chungte chu Manchester City manager Josep Guardiola, Italy coach Roberto Mancini leh Chelsea manager Thomas Tuchel te an ni.

Manager pathum hi Unai Emery, Diego Simeone, Antonio Conte, Gareth Southgate, Christophe Galtier, Ole Gunnar Solskjaer leh Kasper Hjulmand te aiin vote an hmu tam zawk. Coach ṭha thlanchhuah zingah hian Bayern Munich manager Hansi Flick leh Liverpool manager Jurgen Klopp te an tel lo.

Chawimawina dawng tur hi August 26, Ninganiah Istanbul-ah Champions League draw neih rualin puan a ni ang.

Josep Guardiola-a'n Man-chester City chu a vawi khat nan Champions League final a thlenpui a, Premier League-ah point 12-a fal chungin nomawi an chawi a, League Cup-ah an champion bawk.

Roberto Mancini-a'n an ram Italy chu European Cham-pionship-ah a champion pui a, Italy manager hian 2018 FIFA World Cup khel pha lo Azzuri a champion thei hi a ropui hle. Hei chauh hi a ni lo, Italy hian match 34 chhung chak loh an nei tawh lo.

Thomas Tuchel-a'n January 26 khan Chelsea manager ni turin Frank Lampard a thlak a, Champions League-ah Man-chester City hnehin London club-in vawi hnih UCL nomawi an chawina a ni. German coach hi club pahnih kum zawna UCL final thlenpui hmasa ber a ni bawk.