Kan vaiin chak kan duh - Nuno

Spurs boss Nuno chuan beisei loh result nei mah se 100% pek loh vanga tlawm an nih loh thu a sawi a, chak an duh vek thu a sawi.

Kum 47 mi coach chuan, "Tumahin tlawm an duh lo. Tumahin khelh ṭhat loh kan duh lo. Kan phurna rilru a bo a, mahse, hei hi football chu a ni. Khelh ṭhat leh ṭhat loh chang chu a awm ve reng a, ka player-ten insiamṭhat an mamawh a ni," a ti.

Nuno chuan a player thlan danah chhuanlam siam a tum lo a, thutlukna siam ṭha leh thei pawh ni se a hma ang thoa thutlukna a siam tur thu a sawi.

Portuguese coach chuan, "Player-te an inkhelh tam theih dan tur ka ngaihtuah a, an inkhelh tam chuan fitness-ah nasa takin a pui dawn a ni. Mahse, hmasawn tur chuan hun kan mamawh ve bawk. Thutlukna kha thlak thei pawh ni ila, a hma ang thoin thutlukna ka siam ang. Player zawng zawng kan mamawh tlat a ni," a ti.

Tottenham hi Pathianni zan dar 6:30-ah league match khel turin an inlan dawn a, an coach Nuno club hlui Wolverhampton Wanderers chu khual-mualah an lenchilh ang - karleh Ningani zanah Pacos mikhualin second leg an khel leh bawk ang a, European football-a an hma hun tur a chiang ang.