Neeraj Chopra hming chawiin stadium

Tokyo Olympic gold medalist Neeraj Chopra hming thanna a zual zel. Javelin huanga pakhatna dinhmun luahtu hming chawiin stadium a awm dawn. Pune khawpuia hmunpui nei Army Sports Institute (ASI) chuan an Athletics Stadium chu Neeraj Chopra hming an vuah tur thu an puang.

Kum 23 mi Chopra hi India infiammi zingah chuan athletics-a Olympic gold medal la thei hmasa ber a ni a, sum tam tak vur a nih hnuah a hming an hriat reng tawhna tur thil a tawng leh ta a ni. Stadium hming atan 'Neeraj Chopra Army Sports Stadium' tih a ni dawn.

Tokyo 2020 kha India-in Olympic a hman ṭhat ber ṭum a ni a, gold medal pakhat, silver medal pahnih leh bronze medal pali, a vaiin medal pasarih an hlawh chhuak a ni.