Olympian Hakim a thi

India hranghlui footballer Syed Shahid Hakim chu nimin khan Gulbarga-a mimal damdawi inah a thi, kum 82 mi niin a nupui leh a fanu pahnih a kalsan.

Hakim hian 1960 Rome Olympic-ah khan India chu football a khelh pui a, a hnu lamah India football team hi Olympic atan an la tling leh lo.

A nupui Sadia Syeda chuan, "Ni hnih liam ta khan stroke a neih avangin damdawi inah enkawl a ni a, Pathianni zing dar 8:00 khan lungphu chawl vangin a liam," a ti, nikum khan Covid-19 a kai a, hripui leng hi chu a lo hneh tawh a ni.

Hakim hian 2017 khan Dhyan Chand Award for Life Time Achievement a dawng a, Sports Authority of India (SAI)-ah Chief Project Director dinhmun a luah bawk.