Martinez a cham dawn

Season bul an ṭan fuh a, tunah chuan Inter Milan tan lawmna tur dang a awm belh bawk. Inter director Beppe Marotta chuan an striker duhlai Lautaro Martinez chu tun nipui bazar chhungin a chhuah loh tur thu a sawi.

Inter hian season hmasa khan kum 11 hnua a vawi khat nan Serie A title an la, champion puitu Romelu Lukaku chu a club hlui Chelsea lamah a kir a, tlarhma lama a khelhpui Martinez pawh chhuak tur angin a thawm a ring hle.

Marotta chuan, "Lautaro hian club lian dang aṭangin sawmna duhawm tak tak a hmu nual, mahse heti chung hian kan hnena cham a duh zawk. A thutlukna leh awm dan hi keini chuan kan zah takzet.

"Lukaku erawhin chhuah a duh a, club a nawr ang ngeiin a chhuak. Club tana khel duh leh cham duh chu an cham mai ang, sum lam harsatna chu tu pawhin an tawh theih a ni, inelna hmachhawn turin kan dinhmun hi a chhe hran lo," tiin a sawi.

Inter hian Atalanta defender Duvan Zapata, Borussia Monchengladbach player Marcus Thuram leh Lazio forward Joaquin Correa te an la ngaihven mek a, nipui bazar chhungin player thar an la neih belh ngei a rinawm.