McDermott-a'n dementia a vei

Liverpool leh England midfielder hlui Terry McDermott chuan dementia a vei tih hmuchhhuah a ni. Kum 69 mi Dermott hian kum 1974 leh 1982 chhung khan Reds tan match 329 a khel a, goal 81 a khung.

McDermott hi England tan pawh match 25 a khel a, Liverpool hi league title pali, European Cup pathum, UEFA Cup pakhat leh League Cup pahnih a chawipui a ni.

Dementia hi rilru kim lohna emaw atna emaw tiin a sawifiah theih a, tun hnai mai khan Scotland leh Manchester United legend Dennis Law pawhin 'dementia' a vei tih hriatchhuah a ni.

Kum 2019-a zir-chiannaah khan profes-sional footballer-te hi an kum rualpui mi nawlpuiin a let thumin dementia vanga an thihna chance a sang zawk tih an zir chhuak. Hemi a nih avang hian tun season-ah phei chuan training-naa player pakhat ball tauh zat tur thlengin an bithliah phah.