Zaninah Foxes vs Hammers

Zanin dar 12:30 hian London Stadium-ah West Ham leh Leicester City te an inhmachhawn dawn a, team pahnih hian Premier League match hmasa berah hnehna an chang ve ve.

Season liam ta khan Foxes leh Hammers hi league-ah pangana leh parukna an ni a, season tharah pawh Europe inelnaah inlan theih an inbeisei dawn.

Leicester manager Brendan Rodgers chuan, "Moyes hi a kalna apiangah a thawkrim a, team tlo ṭha tak a din ṭhin. Player lut leh chhuak an nei a, team ṭha an ni. Chutihrualin keini pawh chutiang tho chu kan ni e, inkhel hmuhnawm tak en tur a awm ang," tiin a sawi.

Hammers hian Newcastle 4-2 hnehin bul an ṭan a, Foxes-in Jamie Vardy goal hmangin Wolves 1-0 in an hneh thung.