Match li chak zawn Celtics

Nimin zing NBA regular season inkhelah Boston Celtics chuan Atlanta Hawks 123-115 in an hneh a, tun hnai an match hnuhnung paliah hnehna chang vekin Eastern Conference table lamah pathumna dinhmun an luah.

Celtics tan hian Jayson Tatum chuan point 28 a nei thei a, hun tawp dawnah team pahnih an inbeih tawk laiin Grant Williams chuan basket rawn neiin an chungnun theih nan a thawhhlawk hle.

Ningani zing dar 6:00-ah Celtics hi Orlando Magic nen an inkhel leh dawn a, Inrinni zingah Hawks nen bawk hian an inkhel leh ang. Hawks hi table mawngphah luah mektu an ni a, an tan playoff beisei ngam a ni tawh lo.