Nadal inhnukdawk

World number 2 Rafael Nadal chu Mexican Open aṭangin a inhnukdawk. Nadal hi Australian Open khelh laia a hliam a la dam fel lo.

Grand Slam vawi 16 champion tawh Nadal hian Mexico-ah inlan ngei a tum a, first round-ah Feliciano Lopez nena inkhel tur an ni. Mahse, a khel bawr hliam a la dam fel loh avangin a chawlh leh rih a ngai.

Kum 31 mi Nadal chuan, "He inelna hi hmachhawn ngei ka tum a, mahse training hnuhnung ber ka neih ṭumin hliam tenau ka nei leh hlauh a, loh theih lohna vangin ka chawlh leh rih a ngai," tiin a sawi.