Neymar a chawl rei dawn

Paris St-Germain-in Neymar chawlh hun chhung tur puang chiang lo mah se Brazil captain pa Neymar Santos Sr. chuan a fapa chuan kar ruk aṭanga kar riat a chawlh a ṭul thu a sawi.

Neymar hian Pathiannia Masrseille 3-0 a an hneh ṭumin a ke dinglam lamah hliam a tuar a, minute 81-naah lakchhuah a ni. Kum 26 mi hian hliam vangin February 6 zana Real Madrid nen Champions League last 16 second leg an khelh hunah a inlan ve thei lo ang.

Neymar Santos Sr. chuan, "Ka fapa hian in zai a paltlang a ngai lo a nih pawhin kar uk ṭanga kar riat tal chu a chawlh a ṭul dawn a ni. Tun dinhmunah chuan PSG-in an chungah rinna an nghat thei lo ang," tiin a fapa chungchang a sawi.

Tun season-ah Neymar-a inhliam dan tho hian Manchester City forward Gabriel Jesus chu chuan hliam a lo tuar tawh a, ani hi chuan zai thlangin thla hnih hnuah a rawn let.

PSG manager Unai Emery erawhin Neymar-a zai ngai anga an chhuah chu a dik lo tih a sawi a, amaherawhchu Real Madrid nen erawh a beisei ngam bik lo.