MSL6 a tawp lailawk

Mizoram State Sports Council (MSSC) thu-chhuak vangin Mizoram Super League hi league round tawp lam chu entu awm loa khelh a ni a, sorkar lam aṭanga ngenna a awm zui avangin semifinal chu khelh chhunzawm a ni rih dawn lo.

League round match hnuhnung ber pawh Thawhlehni zan dar 7:30-a khelh tura tih ni mah se, chawpchilh takin nimin tlai khan sawn hnaih niin Khatla TBL leh Ramhlun Sporting Club ten an khel zo a ni. MSL season 6 hi a tirah chuan inkhel pangngai bakah 'All Star Game' neih tura tih a ni. Amaherawhchu, coronavirus vangin match khelh mumal theih a ni lo, All Star pawh ṭhulh a ni tawh. Semifinal leh relegation playoff khelh hun tur a hriat rih lo a, ram chhung boruak a zirin a hun siamṭhat leh a ni ang.