Goal 300 khungtu Van Persie

Robin van Persie chuan football a khelh chhungin goal 300 a khung tling ta. Netherlands international hlui hian Nilani zan khan Feyenoord tan goal khung khungin Dutch club te knock out hmanga inelna KNVB Beker-ah a club hi final a hruai thleng.

Kum 34 mi Van Persie hian kum 14 zet a chhuahsan hnuah January thla khan a club hlui Feyenoord-ah hian a kir leh a, a kum tam deuh tawh mah se goal khung a la bansan thei lo.

Arsenal tan match 278 a khelh aṭanga goal 132 khungtu striker hian Premier League Golden Boot vaiwi hnih a dawng tawh a, 2012-13 khan Manchester United chu Premier League nomawi a chawipui bawk.