Russian infiammite tan kawl a eng ta

International Olympic Committee (IOC) chuan Russia chu Olympic chhungkuaah a seng lut ve leh ta. Pyeongchang Olympics-ah Russian athlete zingah mi pahnihin dan bawhchhe mah se hram an nihna hi hlih sak an ni ta tho.

Russia hian an ram sorkar hriatpuina ngeiin an rama infiammite chu dan an bawhchhiat tir tih hmuhchhuah a ni a, hei vang hian Rio Olympic leh thla hmasa lawka neih zawh tak Winter Olympic Games-ah khan an inlan ve phal a ni lo.

Amaherawhchu, Russian atahlete zingah IOC-in dan leh hrai a zam thar zawm theite chu Olympic-ah hian an inlan phal sak an ni a, mahse neutral athlete an ni thung. South Korea-ah khan Russia aṭangin infiammi 168 zet an inlan tho a, medal 17 an dawng thei.

Russian Olympic Committee president Alexander Zhukov chuan, "Hun harsa kan tawh lai pawha ram tana feh chhuak athlete te chungah ka lawm, tun ṭuma IOC thutlukna hi Russia tan chuan a pawimawh takzet a ni," tiin a sawi.