Anfield-a hmasawn tum Van Dijk

January-a pound maktaduai 75-a Liverpool zawmtu Virgil van Dijk chuan Anfield-a pan hnuah hmasawn tura a beih nasat a ṭul thu a sawi. Kum 26 mi defender hian Reds tana a match hmasa ber chu FA Cup-a Everton an hmachhawn ṭumin a khel a, goal a khung nghal.

Dutch defender chuan, "Liverpool-ah chuan kan khelh dan hi hmun danga kan khelh dan nen a in ang lo a, game hi a rang bik em em a ni. Nitin mai hian a harsa em em reng a, kan tlan hnem a, hmun dang nen chuan a in ang lo hle. A hma aia hma ka sawn a ngai a, a bik takin a tirah khan ṭan a ngai lehzual hle a ni," a ti.

Van Dijk hian September 2015 khan Celtic aṭangin Liverpool hi pound maktaduai 13-in a zawm a, Liverpool hian nipui transfer lai khan Saints aṭanga lakluh tumin bei tawh mah se an hlawhchham a, thlasik transfer-ah an lalut ve thei chauh.

Netherlands international chuan Liverpool a pan chhan sawi nghalin, "He club hi engkim ngaihtuah chungin ka pan. Reds-in fans an neihte hi ka ngaina a, Anfield leh khualmuala kan inkhelh ṭuma an boruak thleng hian a nuam em em zel a, team ṭha tak kan nei a, he hmuna ka awm thei hi ka inchhuang hle a ni," tiin a sawi.