Lewis Hamilton tlan chak ber

Ningani khan Circuit de Barcelona-Catalunya-ah Formula 1 season thar inbuatsaihna thawhkhatna hun hnuhnung ber hman a ni a, champion lai Lewis Hamilton umphak an awm lo.

Mercedes driver Hamilton hian lap 69 an tlan chhungin inthlahdah thei a ni bik lo, McLaren driver Stoffel Vandoorne aiin second 0.5 chiahin a tlan chak a, season hmasa lama Hamilton-a elpui ber Ferrari driver Sebastian Vettel chu pathumna niin an inkarah second 0.9 a awm thung.

Britain driver Hamil-ton chuan, "Car thar khalh a nuam a, buaina leh harsatna lian tawk loa kan tlan thei kha a lawmawm hle. Car hi kan khalh hnem a nga, kan thiam bel zel ang, season hmasa aia chakin kan tlan theih ngei ka beisei," tiin a sawi.

Car intlansiakna sang ber hi March 6-9 chhungin inbuatsaih nan an tlan chhin leh anga, March thla tawp hian inelna tak neih ṭan tur niin Melbourne's Albert Park-ah Australian Grand Prix an tlan ang.