Neymar a chawl rei dawn – Brazil doctor

Footballer manto ber Neymar chu vawiin hian a ke rek hliam zai a ni dawn a, amah zai tur Brazil national team doctor Rodrigo Lasmar chuan Neymar hi thla thum chhung vel a chawlh a ngai thei dawn niin a sawi.

Neymar hi a hliam vangin tun season chhunga Paris Saint-Germain match pawimawh ber pakhat tur Real Madrid nen Champions League an khelh turah a inlan thei dawn lo.

PSG coach Unai Emery-a'n an player duhlai hian Real Madrid hmachhawn thei se a duhthu sawi tawh mah se beisei ang a ni dawn lo. Brazil national team lam chuan an captain hi World Cup khel ngei tura an duh avangin a hliam enkawl chungchangah an hmanhmawh dawn lo niin a lang.

Dr Lasmar chuan, "Vawiin hian Belo Horizonte-ah kan zai ang, a hliam dinhmun kan en a, a nihna takah chuan a rei lo berah thla hnih leh a chanve tal chu a chawlh a ngai ang, thla thum pawh a ni thei," tiin a sawi.