Harry Kane-a tan Chawimawina

Ningani zan khan London Football Awards sem a ni a, chawimawina ngaihhlut ber Premier League Player of the Year chu Tottenham Hotspur striker rinrawl Harry Kane hnenah hlan a ni.

Kum 24 mi striker hian tun season-ah league match 27 khel tawhin goal 24 a khung a, inelna hrang hrangah match 36 khelin goal 35 a khung tawh. Premier League-ah nomawi chawi beisei lo mah se Champions League last 16-ah group hmahruaitu nichungin an lut a, Kane chu player rinrawl a ni.

Manager of the Year chawimawina chu Crystal Palace manager Roy Hodgson hnenah pek a ni a, Fulham rawlthar duhawm Ryan Sessegnon chuan Young Player of the Year chawimawina dawngin English Football League Player of the Year-ah thlan a ni bawk.

Tottenham Hotspur hian zanin dar 8:30-ah league match an khel dawn a, Huddersfield Town an mikhual ang.