Inkhel en tum Iranian hmeichhia man
Iran ramah inkhel en tum hmeichhe 35 ngawt man an ni a, Tehran team Esteqlal leh Persepolis inkhel en tura kal tum an ni. He inkhel hi FIFA president Gianni Infantino leh Iranian sport minister Masoud Soltanifar te chuan a hmunah an en ve bawk.
Sport Minister Masoud Soltanifar hi journalist pakhat chuang engtikah nge hmeichhia te football en ve phalsak an ni dawn, tia a zawh chuan live a pek chhuah inkhel hi tihtawp lailawk a ni!
Iranian interior ministry thupuangtu Seyyed Salman Samani chuan heng hmeichhia te hi man ni loin 'hmun himah' police te chuan an dah zawk niin a sawi a. Iran hian kum 1979-a Iranian Revolution hnuah hmeichhia te chu khelmualah inkhel en an phal sak lo.
Iran rama hmeichhe zalenna leh dikna atana beitu Masih Alinejad chuan Ningania inkhelh hma hian hmeichhia te chu inkhel en ve phalsak an nih lohna chu do turin a ti a, FIFA president awm lai chu remchanga la turin a hmeichhiatpui te a fuih a ni.