Chennai City mualah Indian Arrows

Zanin dar 7:00-ah I League inkhel pakhat a awm dawn a, Chennai City chuan Indian Arrows an mikhual dawn - team pahnih hi table mawng lama awm an ni a, talchhuahna remchang a ni dawn. 

Chennai City hi I League-a an match hnuhnung pasarihah vawi khat chiah an chak a, vawi li an tlawm a, vawi thum an khingpui an inhneh-tawkpui thung. 

Indian Arrows an ropui bik lo. Match kua an khelh tawhah vawi hnih chiah an la chak a, vawi khat an khingpui an draw a, vawi nga zet an tlawm!

Hriat tel tur erawh Indian rawlthar rual awmna team hian an match hnuhnung berah East Bengal chu 1-0 in an hneh thei a, Mizo goalkeeper Lalbiakhlua Jongte chu hero of the match atan thlan a ni. 

Arrows hi an phur vanglai tak a ni ang tih a chiang a, Biakhlua bakah hian defender Joseph Lalsanglura, midfielder Lalliansanga Renthlei leh forward Rohmingthanga te chu Indian legend Shanmugam Venkatesh enkawl team tana khel an ni.