Arteta enkawl Arsenal an inkhel

Premier League player leh manager zingah Mikel Arteta chu coronavirus kai tih hriat chhuah hmasak ber a ni a, tunah erawh harsatna nei loa a naute inkhel turin a kaihruai leh tawh.

Inrinni zan khan Arsenal hian Champion-ship club Charlton Athletics chu friendly match an khelh pui. Emirates Stadium-ah entu awm loah Eddie Nketiah-a'n hattrick siamin Alexandre Lacazette, Pierre-Emerick Aubameyang leh Joe Willock ten goal khat 

ṭheuh an khung bawk, 5-0 in an chak.

Covid-19 vanga hun rei tak an chawlh hnuah June 17 aṭangin EPL an khel ṭan leh tawh dawn, club ten mimal training an kalpui hnuah team pumpui inbuatsaihna an nei leh tawh - tunah chuan friendly match an khelh phalsak an ni tawh.