DR Congo international Bakambu man a to

Villarreal striker Cedric Bakambu chuan Chinese Super League club Beijing Guoan a zawm a, a man zat hi tarlan ni lo mah se kum 26 mi striker lam hnai tak pakhat chuan pound maktaduai 65 niin a sawi a, hei hi African player transfer record a ni.

Thla hmasa lawk khan Arsenal chuan pound maktaduai 56-in Pierre-Emerick Aubameyang an lei a, Gabonese player hi African player manto ber niin Bakambu hian a rawn khum ta a ni.

Democratic Republic of Congo international Bakambu hian January khan Villarreal a chhuahsan fel tawh a, Spanish club a chhuahsan lai hian La Liga-ah goal khung hnem pawl niin goal kua a nei tawh.

Kum 2015 khan Turkish club Bursaspor aṭangin Spanish club hi a zawm a, African player zinga La Liga Player of the Month chawimawina dawng thei awmchhun niin Villarreal tan hian a season hmasa berah goal 22 a khung nghal.