MVA-in TNT a pui

Mizoram Volleyball Association (MVA) chuan hripui leng vanga harsatna tawk Thutak Nunpuitu Team (TNT) chu an pawisa thawh khawm Rs 2,00,632 an pe.

Sum an pek hi MVA hnuaia volleyball association leh mimal thawhkhawm a ni a, pawisa bakah hian volleyball 10, volleyball net panga, mask leh disinfectant bur hnih an hlan tel bawk.

Thil pekna hlanna hi MVA vice president Dr Lalmalsawma Nghaka'n a kaihruai a, TNT hotupa Dr Sangthankima'n thilpek a lo dawng.

TNT Aizawl Center hian Volleyball inkhawmpui lian vawi hnih - MVA Invitation 2016 leh Volleyball Night 2018 te lo thleng tawhin, Catch them Young Volleyball Center te an lo nei tawh bawk a ni.