McGregor-a chawl leh tawh!

UFC fighter hriat hlawh Conor McGregor chuan MMA a chawlhsan thu a puang leh ta a, kum li chhunga vawi thum a chawlh thu a puanna chiah a ni!

Kum 31 mi fighter hian kum 2016 leh 2019 khan octagon chhunga insual a chawlhsan thu a lo puang tawh a, tuna a thu puan pawh hi awih chin tur hriatthiam a harsa hle. 

McGregor chuan, "Ṭhiante u, fight chawlhsan mai ka rel ta. Hun hlimawm tak min tawntir avangin in chungah ka lawm a, zinkawng nuam tak a ni," tiin a sawi. 

Irish fighter hian January 2020 khan American fan-te ngainat Donald 'Cowboy' Cerrone chu second 40 chhung lekin a hneh a, Las Vegas-a a inhnek hnuah hian fight dang a hmachhawn leh tawh rih lo. 

McGregor hian August 2017 khan boxing khawvel pawh lo luhchilh tawhin Floyd Mayweather a hmachhawn a, mahse American boxing legend lakah hian tlawmin a mualpho.