Camavinga a chhuak dawn?

Rennes midfielder Eduardo Camavinga chu tun nipui bazarah a chhuak dawn nia sawi a awm. French midfielder Camavinga hi hmabak nei êng ber zinga mi a nih avangin Europe club-in an ngaihven ang.

Kum 18 mi Camavinga contract neih lai hi tun season tawp rualin a zo dawn a, hemi zawh hian free transfer-in a chhuak thei dawn. France tana vawi thum inlan tawh midfielder hian contract pawhsei a tum loh avangin Rennes-in euro maktaduai 35-a chhuahtir mai an tum nia sawi a ni.

Camavinga duhtu zingah hian Manchester United pawh an tel a, a chhuahna tur club erawh a la hriat loh thung. French midfielder hian 2019–20 season khan Ligue 1 match 25 a khel thei tawh a, season liam ta khan match 35 a khelh theih avangin theihna a nei sang tih chu chiang a ni.