Michael Jordan-a'n dollar maktaduai 100 a thawh

Basketball legend Michael Jordan chuan chi inthliarna dotu pawl hrang hrangte hman turin dollar maktaduai 100 a thawh, a pawisa thawh hi 'Jordan Brand' chuan kum 10 chhungin an pe chhuak ang.

Tun hnaiah George Floyd thih nain khawvel a deng chhuak a, hmun hrang hrangah chi inthliarna an duh loh zia an lantir. A bik takin United States-ah hmalakna a tam hle.

Jordan Brand president Craig Williams chuan, "Michael Jordan leh Jordan Brand te chuan tun hnai kum 10 lo awm turah hian chi inthliarna dotute hnenah dollar mataduai 100 kan pe dawn. 

"Hma latu pawl hrang hrang an awm a, mi tam tak chuan chi inthliarna hi an duh lo. Mi zawng zawngin kan dikna chanvo kan hmuh theih nan hian keini lam pawhin kan tih ve theih tawk kan ti a ni," a ti.

Kar hmasa khan Jordan chuan Floyd chunga thil thleng a dem thu leh a tawrhpui thu a lo sawi tawh.